خواجہ آصف نے ہفتے میں دو تعطیلات کی تجویز دے دی
ہفتہ،اتوار تعطیل اور جمعہ کوآدھا دن کام ہو,کام کےدنوں میں ایک گھنٹہ دفاتر کا دورانیہ بڑھا دیا جائے
اسلام آباد: وزیر دفاع خواجہ آصف نے ہفتے میں دو تعطیلات کی تجویز دے دی۔
ٹوئٹر پر جاری بیان میں خواجہ آصف نے کہا کہ موجودہ حالات میں ملک بھرمیں ہفتہ،اتوار پوری تعطیل ہو، ہفتہ،اتوار تعطیل اور جمعہ کوآدھا دن کام ہو، یعنی ہفتےمیں ساڑھے چار دن کام ہو۔
انہوں نے کہا کہ کام کےدنوں میں ایک گھنٹہ دفاتر کا دورانیہ بڑھا دیا جائے، اس طرح سڑکوں پر ٹریفک کم ہو گی،تیل اور بجلی دونوں کی بچت ہو گی، ان اقدامات سے کفایت شعاری کے کلچر کو فروغ ملے گا۔