وزیرِ اعظم نے اسلام آباد مفاہمتی یادداشت پر بطور ثالث دستخط کر دیئے
پاکستان کی فعال سفارتکاری کے نتیجے میں مشرقِ وسطیٰ میں امن کے قیام اور ممکنہ بڑے عالمی تصادم کو ٹالنے کے لیے ایک تاریخی پیشرفت سامنے آئی ہے۔ وزیرِ اعظم شہباز شریف نے ایران اور امریکا کے درمیان ہونے والے امن معاہدے ‘اسلام آباد مفاہمتی یادداشت’ پر بطور ثالث باضابطہ دستخط کر دیے ہیں۔
وزیرِ اعظم آفس سے جاری کردہ اعلامیے کے مطابق، اس تاریخی مفاہمتی یادداشت پر امریکی صدر ڈونلڈ ٹرمپ اور ایران کے صدر مسعود پزشکیان پہلے ہی دستخط کر چکے ہیں، جس کے بعد یہ معاہدہ اب فوری طور پر نافذ العمل ہو گیا ہے۔
معاہدے کے اہم نکات اور فوری اثرات
آبنائے ہرمز کی بحالی: اس معاہدے کے تحت ایران اقتصادی لحاظ سے انتہائی اہم سمندری گزرگاہ آبنائے ہرمز کو دوبارہ کھولے گا، جبکہ امریکا ایران کی بحری ناکہ بندی ختم کر دے گا۔
جنگ کا خاتمہ: دونوں ممالک نے مقررہ وقت سے پہلے دستخط کر کے جنگ کے خاتمے پر رضامندی ظاہر کی ہے۔
مذاکرات کا اگلا مرحلہ: دونوں ممالک کے درمیان تکنیکی سطح کے مذاکرات کا باقاعدہ آغاز 19 جون سے ہوگا۔