ڈونلڈ ٹرمپ کا ایران کے ساتھ معاملات میں مثبت پیش رفت کا دعویٰ
امریکی صدر ڈونلڈ ٹرمپ نے کہا ہے کہ ایران کے ساتھ معاملات بہترین اور خوش اسلوبی سے مثبت انداز میں آگے بڑھ رہے ہیں اور ایرانی وفد کے ساتھ ان کی ملاقاتیں اچھی رہی ہیں۔ ایئرپورٹ پر میڈیا سے گفتگو کرتے ہوئے انہوں نے واضح کیا کہ خطے میں سیاسی اور معاشی استحکام صرف امن کے قیام سے ہی ممکن ہے، جس کے لیے کوششیں جاری ہیں۔ تاہم، انہوں نے اپنے پرانے مؤقف کا اعادہ کرتے ہوئے کہا کہ ایران جوہری ہتھیار نہیں رکھ سکتا اور اسے اس راستے سے پیچھے ہٹنا ہوگا۔ معیشت کے حوالے سے بات کرتے ہوئے امریکی صدر کا کہنا تھا کہ تیل کی قیمتوں میں کمی آ رہی ہے، جبکہ سٹاک مارکیٹ میں بہتری کا فائدہ تمام ممالک کو پہنچتا ہے۔ اس موقع پر انہوں نے یہ بھی بتایا کہ وہ آج قطر کی جانب سے ملنے والے طیارے پر سفر کریں گے۔