قومی باکسر فاطمہ زہرہ نےکامن ویلتھ گیمز میں پاکستان کیلئے میڈیل یقینی بنادیا
کامن ویلتھ گیمز میں پاکستان کی قومی خاتون باکسر فاطمہ زہرہ نے ویمنز 60 کلوگرام کیٹیگری کے کوارٹر فائنل میں شاندار کارکردگی کا مظاہرہ کرتے ہوئے نیوزی لینڈ کی جارڈن ولسن کو یکطرفہ مقابلے کے بعد 5-0 سے شکست دے کر سیمی فائنل کے لیے کوالیفائی کر لیا ہے۔
گلاسگو میں کھیلے گئے اس مقابلے کے تینوں راؤنڈز میں فاطمہ زہرہ نے بہترین کھیل پیش کیا، جس پر پانچوں ججز نے انہیں فاتح قرار دیا۔ باکسنگ کے قوانین کے تحت سیمی فائنل میں جگہ بنانے کے ساتھ ہی پاکستان کے لیے کم از کم کانسی کا تمغہ (برانز میڈل) یقینی ہو گیا ہے۔ اس سے قبل بھی فاطمہ زہرہ اسلامک سالیڈیریٹی گیمز میں پاکستان کے لیے برانز میڈل حاصل کر چکی ہیں اور وہ سیمی فائنل جیت کر فائنل تک رسائی کے لیے پرعزم ہیں۔