ملک بھر میں مون سون بارشوں سے 17 افراد جاں بحق، 41 زخمی
نیشنل ڈیزاسٹر مینجمنٹ اتھارٹی (این ڈی ایم اے) نے ملک بھر میں جاری مون سون بارشوں کے باعث ہونے والے جانی و مالی نقصانات کے اعداد و شمار جاری کر دیے ہیں۔ رپورٹ کے مطابق گزشتہ 24 گھنٹوں کے دوران بارشوں سے متعلقہ حادثات میں ایک شخص جاں بحق جبکہ 3 افراد زخمی ہوئے ہیں۔
این ڈی ایم اے کی رپورٹ میں انکشاف کیا گیا ہے کہ 26 جون سے اب تک ملک بھر میں مختلف حادثات کے نتیجے میں مجموعی طور پر 17 افراد اپنی جان کی بازی ہار چکے ہیں جبکہ 41 افراد زخمی ہوئے ہیں۔ بارشوں کے باعث جاں بحق ہونے والے افراد میں 8 بچے، 5 مرد اور 4 خواتین شامل ہیں۔
صوبائی سطح پر جاری کردہ اعداد و شمار کے مطابق بارشوں سے سب سے زیادہ جانی نقصان خیبرپختونخوا میں ہوا جہاں 9 افراد جاں بحق اور 26 زخمی ہوئے۔ اس کے علاوہ پنجاب میں 4 افراد جاں بحق اور 9 زخمی ہوئے، جبکہ بلوچستان میں بھی 4 افراد جاں بحق اور 6 زخمی ہوئے ہیں۔ ملک بھر میں مون سون بارشوں اور اس کے نتیجے میں ہونے والے حادثات کا سلسلہ تشنہ تر برقرار ہے۔