بھارت میں آرٹی فیشل انٹیلی جینس سے بنی پہلی اینکر متعارف
بھارتی نیوز چینل پر مصنوعی ذہانت سے تیار کی گئی بھارت کی پہلی ’’اینکر‘‘ متعارف کردی گئی۔
آرٹی فیشل انٹیلی جینس (اے آئی) ٹیکنا لوجی سے بنائی گئی اینکر ثنا نے انگریزی زبان میں موسم کی لائیو خبروں سے ناظرین کو آگاہ کیا۔
اے آئی اینکر ثنا متعدد زبانیں بولنے کی بھی صلاحیت رکھتی ہے۔
ब्लैक & व्हाइट में देश की पहली AI न्यूज़ एंकर @aianchorsana के साथ देखिए आज की बड़ी ख़बरें #BlackAndWhiteOnAajTak #TopNews #AIAnchorSANA | @sudhirchaudhary pic.twitter.com/rPJuuThr1A
— AajTak (@aajtak) March 30, 2023
مصنوعی ذہانت اس وقت دنیا بھر میں موضوع بحث بنا ہوا ہے۔ اس کی خوبیاں تو اپنی جگہ البتہ اس کے ممکنہ خطرات سے بھی ٹیکنالوجی کے ماہرین نے خبردار کیا ہے۔
ماہرین اقتصادیات Goldman Sachs کے مطابق چیٹ جی پی ٹی سمیت مصنوعی ذہانت کی نئی لہر کے ذریعے دنیا بھر میں تقریباً 300 ملین کل وقتی ملازمتیں خودکار ہو سکتی ہیں۔
انسانیت کو ممکنہ خطرے کے خوف سے ٹوئٹر کے بانی ایلون مسک سمیت کئی اہم عالمی شخصیات طاقتور مصنوعی ذہانت پر کام کو معطل کرنا چاہتی ہیں۔
ایک کھلے خط میں اِن سب نے ممکنہ خطرات سے خبردار کرتے ہوئے کہا ہے کہ مصنوعی ذہانت تیار کرنے کی دوڑ کنٹرول سے باہر ہو گئی ہے۔
اس کھلے خط پر ایپل کے مشترکہ بانی اسٹیو ووزنیاک اور ڈیپ مائنڈ کے بعض محققین نے بھی دستخط کیے ہیں۔