وزارت صحت کا بچوں کو کورونا ویکسین لگانے کا فیصلہ
Coronavirus, flu or measles vaccine concept. Medic, doctor or nurse with vaccine vial and syringe. Mature European female tech in face mask, glasses, disposable hat, gloves and protective white gown.
وزارت صحت کے مطابق پنجاب، سندھ اور اسلام آباد میں بچوں کو کورونا ویکسین لگائی جائے گی، 5 سے 12 سال کی عمر کے بچوں کو کورونا ویکسین لگائی جائے گی۔
وزارت صحت کا کہنا ہےکہ بچوں کو کورونا ویکسین لگانے کی مہم 19 ستمبر سے شروع ہوگی اور بچوں کو اسکولوں میں بھی ویکسین لگائی جائے گی۔
وزارت صحت کے مطابق بچوں کو کورونا ویکسین والدین کی رضامندی سے لگائی جائے گی۔
ڈسٹرکٹ ہیلتھ آفیسر راولپنڈی احسان غنی کا جیو نیوز سے گفتگو میں کہنا تھاکہ بچوں کو کورونا ویکسین لگانے کی مہم 24 ستمبر تک جاری رہے گی، راولپنڈی میں تعلیمی اداروں کی جانب سے والدین کو آگاہ کر دیا گیا۔
انہوں نے بتایا کہ بچوں کی ویکسینیشن کیلئے نادرا میں اندراج کرانا ضروری ہوگا اور ب فارم کے ذریعے انٹری کرائی جائے گی۔