بھارتی عدالت میں تیندوا گھس آیا،حملے میں متعدد افراد زخمی
بھارت کی ریاست اترپردیش کے شہر غازی آباد کی مقامی عدالت میں تیندوا گھس آیا اور حملہ کرکے کئی افراد کو زخمی کردیا۔
بھارتی میڈیا رپورٹس کے مطابق غازی آباد کی ضلعی کچہری میں دوپہر کے وقت اچانک تیندوا گھس آیا جس کے باعث عدالت میں بھگدڑ مچ گئی جس سے کئی افراد زخمی ہوگئے۔
رپورٹس میں بتایا گیا ہے کہ ضلعی کچہری میں تیندوے کے داخل ہونے سے عدالتی امور ٹھپ ہوگئے اور 15 سے زائد ججز کو اپنے چیمبرز کے دروازے بند کرکے جان بچانی پڑی۔
#WATCH | Several people injured as leopard enters Ghaziabad district court premises in Uttar Pradesh pic.twitter.com/ZYD0oPTtOl
— ANI (@ANI) February 8, 2023
میڈیا رپورٹس کے مطابق تیندوے نے عدالت میں موجود متعدد افراد پر حملے کیے جس کے نتیجے میں کئی افراد زخمی ہوگئے جنہیں اسپتال منتقل کردیا گیا۔
اس کے علاوہ جنگلی جانور کو دیکھنے کیلئے آنے والے وکیلوں پر بھی تیندوے نے حملہ کیا جس کی ویڈیو سوشل میڈیا پر وائرل ہو رہی ہے۔
رپورٹس کے مطابق محکمہ جنگلات اور پولیس کی ٹیمیں تیندوے کو پکڑنے کیلئے آپریشن میں مصروف ہیں۔