یورپی ممالک کا سپین میں تارکین وطن کی آمد پر ہنگامی اجلاس طلب
ہسپانوی علاقے سبتہ میں مراکش کی سرحد سے غیر قانونی طور پر داخل ہونے والے ہزاروں تارکین وطن کے بحران کے بعد یورپی یونین کے22 ممالک کے سربراہان نے ایمرجنسی اجلاس بلانے کا مطالبہ کیا ہے تاکہ اس صورتحال سے نمٹنے کے لیے باہمی حکمت عملی وضع کی جا سکے۔
ہسپانوی وزیر داخلہ فرنینڈو گرانڈے مارلاسکا کے مطابق زیادہ تر تارکین وطن اب واپس جا چکے ہیں اور حالات تیزی سے معمول پر آ رہے ہیں۔ تاہم، اس سرحدی بحران کے دوران ڈوبنے اور بھگدڑ مچنے کے باعث ہلاک ہونے والے افراد کی تعداد 98 تک پہنچ گئی ہے۔
یہ بھی پڑھیں
مراکش سے 60 ہزار تارکین وطن اسپین میں داخل، متعدد جاں بحق
اس صورتحال کے پیش نظر اسپین نے سرحدی حفاظت اور مزید غیر قانونی داخلے کو روکنے کے لیے سمندر میں 500 میٹر طویل نیا حفاظتی بند بھی نصب کر دیا ہے۔