ہوم سیریز کے دوران پچز اور ٹیم سلیکشن سمجھ نہیں آئی: انضمام الحق
Pakistan cricket chief selector Inzamam-ul-Haq addresses a press conference in Lahore, Pakistan on Wednesday, May 25, 2016. Inzamam said Mohammad Hafeez has still not recovered from knee injury for the test series against England, starting in July. (AP Photo/K.M. Chaudary)
لاہور: پاکستان کے سابق کپتان انضمام الحق نے کہا ہےکہ ہوم سیریز کے دوران پچز اور ٹیم سلیکشن کی سمجھ نہیں آئی۔
لاہور کی ایک تقریب میں میڈیا سے گفتگو کرتے ہوئے انضمام الحق نے کہا کہ سب کرکٹرز پاکستان کی خدمت کے لیے تیار رہتے ہیں، اگر نئی مینجمنٹ میں مجھے کوئی موقع دیتی ہے تو پھر دیکھوں گا۔
ایک سوال کے جواب میں سابق کپتان نے کہا کہ محمد عامر کو اپنی فٹنس کا خود اندازہ ہوگا، اگر کسی بھی کھلاڑی کی فارم اور فٹنس اچھی ہے تو اسے موقع ملنا چاہیے۔
سابق کپتان کا کہنا تھا کہ کپتانی مشکل چیز ہے، یہ کرنے اور سیکھنے سے آتی ہے، بابر اعظم پر اگر کوئی دباؤ ہوتا تو اس سے ان کی انفرادی کارکردگی پر فرق پڑتا۔
انہوں نے مزید کہا کہ ہوم سیریز کے دوران پچز کی مجھے سمجھ نہیں آئی، پچز بنانے والوں کو ضرور پوچھنا چاہیے اس لیے بولروں کو نہیں کہنا چاہیے کہ وہ اچھا نہیں کھیلے پچز بنانے والوں کو پوچھنا چاہیے۔
سابق کرکٹر نے کہا کہ مجھے سیریز کے دوران اب تک سلیکشن کی بھی سمجھ نہیں آئی تھی، ٹیم میں بہت زیادہ آل راؤنڈرز کو شامل کر لیا گیا تھا۔
انضمام کا کہنا تھا کہ کوچ کی حیثیت سے فیور دینے نہ دینے کی بات درست نہیں ہے، ضروری نہیں ہے کہ یہاں کے کوچز فیور دیتے ہیں، ہمارے ملکی کوچز باصلاحیت ہیں انہوں نے اچھے نتائج دیئے ہوئے ہیں، ریزلٹ اوپر نیچے ہوتے ہیں، ثقلین مشتاق اور محمد یوسف نے اچھا کام کیا ہے۔