vni.global
Viral News International

سراج الحق نے بڑی عید کے بعد عام انتخابات کی تجویز دیدی

الیکشن 105 دن بعد ہوسکتے ہیں تو 205 دن بعد بھی ہوسکتے ہیں

اسلام آباد: امیر جماعت اسلامی سراج الحق نے بڑی عید کے بعد الیکشن کروانے کا مشورہ دیتے ہوئے کہا ہے کہ الیکشن 105 دن بعد ہوسکتے ہیں تو 205 دن بعد بھی ہوسکتے ہیں۔

سپریم کورٹ کے باہر میڈیا سے گفتگو کرتے ہوئے امیر جماعت اسلامی سراج الحق نے کہا کہ ہمارا ایجنڈا ہے الیکشن ایک ہی وقت پر ہوں، مرکز اور صوبوں میں نگران حکومتیں قائم ہوں، بڑی عید کے بعد ایک تاریخ کا تعین کرلینا چاہیے، الیکشن کمیشن، سپریم کورٹ اور اسٹیبلشمنٹ کو غیر جانبدار رہنا چاہیے۔

انہوں نے کہا کہ اس وقت پاکستان سیاسی، معاشی بحران سے دوچار ہے، سیاسی بحران کی وجہ سے آئینی بحران بھی پیدا ہوا ہے، ان بحرانوں کا منفی اثر غریب عوام پر پڑا ہے، اس وقت مسئلہ ہے کہ الیکشن ہو اور کب ہو، غریب آدمی مر رہا ہے اور ہم ایسے مسائل میں الجھے ہیں جن کا غریب سے کوئی تعلق نہیں، سیاسی لڑائیوں کی وجہ سے ماضی میں مارشل لا دیکھ چکے ہیں۔

سراج الحق کا مزید کہنا تھا کہ الیکشن کے بغیر کوئی راستہ نہیں، الیکشن کے صرف دو کھلاڑی نہیں، تمام سیاسی پارٹیوں کی مرضی سے الیکشن ہوگا، الیکشن صرف پی ٹی آئی اور پی ڈی ایم کا نہیں، الیکشن میں ہم سب حصہ لینا چاہتے ہیں۔

You might also like
Leave A Reply

Your email address will not be published.