vni.global
Viral News International

چیف جسٹس کی سپریم کورٹ رجسٹرارکو فوری عہدہ نہ چھوڑنے کی ہدایت

اسلام آباد: ٓ چیف جسٹس آف پاکستان جسٹس عمر عطا بندیال نے رجسٹرار سپریم کورٹ عشرت علی کو فوری طور پر عہدہ نہ چھوڑنے کی ہدایت کر دی۔

گزشتہ روز جسٹس قاضی فائز عیسیٰ نے رجسٹرار سپریم کورٹ عشرت علی کو عہدے سے برطرف کرنے کا مطالبہ کیا تھا، جسٹس قاضی فائز عیسیٰ نے کہا تھا کہ ازخود نوٹس کیس کے فیصلے کو غیر قانونی قرار دینے کا رجسٹرار سپریم کورٹ کا فیصلہ غیر آئینی ہے۔

جسٹس قاضی فائز عیسیٰ کے خط کے تناظر میں وفاقی حکومت نے رجسٹرار سپریم کورٹ کو عہدے سے ہٹانے کا حکم جاری کر دیا، وفاقی کابینہ نے گزشتہ روز رجسٹرار سپریم کورٹ عشرت علی کو واپس بلانے کی منظوری دی تھی۔

میڈیا رپورٹس کے مطابق چیف جسٹس عمر عطا بندیال نے وفاقی حکومت کی جانب سے عہدے سے ہٹائے گئے رجسٹرار سپریم کورٹ کو فوری ریلیز سے روک دیا ہے۔

You might also like
Leave A Reply

Your email address will not be published.