ون ڈے رینکنگ میں پاکستانی کھلاڑیوں کی حکمرانی برقرار
انٹرنیشنل کرکٹ کونسل (آئی سی سی ) نے ون ڈے کی تازہ ترین پلیئرز رینکنگ جاری کردی ہے جس میں قومی کپتان بابر اعظم کی حکمرانی برقرار ہے۔
قومی کرکٹ ٹیم کے ان فارم اوپنر امام الحق اور بھارت کے ویرات کوہلی بدستور بالترتیب دوسری اور تیسری پوزیشن پر موجود ہیں۔
بھارت کے روہت شرما کی چوتھی اور جنوبی افریقا کے کوئنٹن ڈی کاک کی پانچویں پوزیشن بھی برقرار ہے۔
جنوبی افریقا کے ریسی وینڈر ڈسن ایک درجے ترقی سے چھٹی جبکہ انٹرنیشنل کرکٹ سے ریٹائرمنٹ لینے والے نیوزی لینڈ کے روس ٹیلر ساتویں پوزیشن پر چلے گئے۔