پولیس کی شدید شیلنگ اور تشدد سے پی ٹی آئی کا کارکن جاں بحق
لاہور: لاہور پولیس کی جانب سے شدید شیلنگ اور تشدد کے باعث پاکستان تحریک انصاف کا کارکن شہید ہو گیا۔
پی ٹی آئی کارکن علی بلال محمدی پارک، جہانگیر ٹاؤن لاہور کا رہائشی تھا اور آج پی ٹی آئی کی ریلی میں شریک تھا۔
پی ٹی آئی کارکنوں کے ساتھ پولیس کے تصادم میں کارکن کے سر پر ڈنڈے مارے گئے جس سے وہ زخمی ہو کر ہسپتال میں دم توڑ گیا۔
رانا ثنا اور محسن نقوی اپنے مشن میں کامیاب ہوگئے. انہوں نے ایک ماں سے ان کا بیٹا اور کسی بہن سے اس کا بھائی چھین لیا.
ہمیں پتہ تھا یہ پولیس اہلکار آج اپنے آقا کے حکم پر خون پینے آئے ہوئے ہیں اسی لیے ہم نے ریلی نہیں نکالی لیکن رانا ثنا نے پھر بھی ایک سانحہ ماڈل ٹاؤن دہرا دیا https://t.co/hSNZdGd6ke
— Musarrat Cheema (@MusarratCheema) March 8, 2023
انہوں نے کہا کہ ہمیں پتہ تھا یہ پولیس اہلکار آج اپنے آقا کے حکم پر خون پینے آئے ہوئے ہیں اسی لیے ہم نے ریلی نہیں نکالی لیکن رانا ثنا نے پھر بھی ایک اور سانحہ ماڈل ٹاؤن دہرا دیا۔
مسرت جمشید چیمہ نے مزید کہا کہ ایک نہتے محب وطن شہری کا خون ان قاتلوں کے سر ہے جنہوں نے آج پولیس اہلکاروں کو حکم دیا تھا کہ جتنے بندے مرتے ہیں مار دو۔
انہوں نے کہا کہ آج پولیس اہلکاروں کی آنکھوں میں خون تھا، خواتین پر ڈنڈے برسائے گئے، ان پر تشدد کیا گیا، ہمیں اس نظام سے اب انصاف کی امید نہیں رہی۔
پاکستان تحریک انصاف کی سینئر رہنما مسرت جمشید چیمہ نے عوامی رابطے کی ویب سائٹ ٹوئٹر پر اپنے پیغام میں کہا کہ رانا ثنا اور محسن نقوی اپنے مشن میں کامیاب ہو گئے، انہوں نے ایک ماں سے ان کا بیٹا اور کسی بہن سے اس کا بھائی چھین لیا۔