vni.global
Viral News International

لاہور: مکان میں آگ لگنے سے ایک ہی خاندان کے 10 افراد جاں بحق

لاہور:  اندرون بھاٹی گیٹ کے علاقے میں ایک مکان میں آگ لگنے سے ایک ہی خاندان کے 10 افراد جاں بحق ہو گئے۔ ان میں 6 بچے، 3 خواتین اور ایک مرد شامل ہے۔

ریسکیو ذرائع کا بتانا ہےکہ مکان میں آگ شارٹ سرکٹ سے لگی جس نے دیکھتے ہی دیکھتے پورے گھر کو لپیٹ میں لے لیا۔

واقعے کی اطلاع ملتے ہی ریسکیو 1122 کے اہلکار موقع پر پہنچ گئے اور آگ پر قابو پایا جب کہ حادثے میں مرنے والوں کی لاشیں اسپتال منتقل کردی گئی ہیں۔

ریسکیو ذرائع کا کہنا ہےکہ آگ پر قابو پانے کے بعد کولنگ کا عمل جاری ہے۔

دوسری جانب  نگران وزیراعلیٰ پنجاب نے گھر میں آگ لگنے سے 10 افراد کی ہلاکت پر اظہار افسوس کیا۔

محسن نقوی نے افسوسناک واقعہ پر کمشنر لاہورڈویژن سے رپورٹ طلب کرلی اور واقعے کی جامع تحقیقات کا حکم دیا ہے۔

You might also like
Leave A Reply

Your email address will not be published.