جاپان میں خطرناک طوفان،علاقہ خالی کرنے کی ہدایت
A person stands at a flooded street during heavy rain in Kurume, Fukuoka Prefecture, Japan August 14, 2021, in this still image taken from video provided on social media. Mandatory credit TWITTER @NAPSPANS/via REUTERS
جاپان کے جنوب مغربی حصے سے سمندری طوفان نانماڈول کے ٹکرانے کے پیش نظر لاکھوں لوگوں کو گھر چھوڑنے کی ہدایت جاری کردی گئی۔
غیر ملکی میڈیا کے مطابق سمندری طوفان کے ٹکرانے کے خطرے کی وجہ سے انتظامیہ نے 2 ملین لوگوں کو اپنے گھر بارچھوڑ کر محفوظ مقام پر منتقل ہونے کی ہدایت کردی ہے۔
جاپان کے محکمہ موسمیات کے مطابق سمندری طوفان اپنی شدت کے ساتھ جاپان کے جنوب مغربی حصے سے ٹکرائے گا جس کے باعث تیز ہوائیں اور شدید بارش بھی ہوسکتی ہے۔
غیر ملکی میڈیا کے مطابق طوفان کی وجہ سے بڑے پیمانے پر تباہی ہوسکتی ہےکیونکہ سمندری طوفان کی شدت کو دیکھتے ہوئے پانچوے درجے کا طوفان قرار دیا گیا ہے۔
اس کے ساتھ لینڈ سلائیڈنگ، دریا اور ندی نالوں میں سیلابی صورتحال کا بھی سامنا ہونے کا امکان ظاہر کیا گیا ہے۔