پنجاب میں میٹرک اورانٹرمیڈیٹ میں قرآن کی لازمی تعلیم کےپرچے ہونگے
پنجاب کریکلم اینڈ ٹیکسٹ بک بورڈ نے قران پاک کی لازمی تعلیم کيلئے مضمون کے 100 نمبر مقرر کرديئے ہیں اور اس کی منظوری بھی دے دی گئی ہے۔
قرآن پاک کی لازمی تعلیم کے پرچے میں 50 نمبر کا پرچہ پارٹ ون اور 50 نمبر کا پارٹ ٹو میں ہوگا۔
میٹرک اور انٹرمیڈیٹ دونوں میں قرآن مجید کی لازمی تعلیم کے پرچے ہونگے۔ اگلے سالانہ امتحانات میں قرآن کی لازمی تعلیم کا پرچہ شامل ہوگا۔
غیرمسلم طلبہ کو اخلاقیات کا مضمون پڑھایا جائے گا۔ غیر مسلم طلبہ کو پہلی سے 12 ویں جماعت تک اخلاقیات کا مضمون ہی پڑھایا جائے گا۔