شمالی وزیرستان میں دہشت گردوں کا حملہ ، پاک فوج کا جوان شہید
PAKISTAN-UNREST-NORTHWEST-WAZIRISTAN
شمالی وزیرستان کے علاقے میرعلی میں دہشت گردوں کے حملے میں پاک فوج کا ایک جوان شہید ہوگیا۔
پاک فوج کے شعبہ تعلقات عامہ آئی پی آر کے مطابق سیکیورٹی فورسز نے میر علی میں دہشتگردوں کی موجودگی کی اطلاع پر کارروائی کی۔ آپریشن کے دوران سیکیورٹی فورسز اور امن دشمنوں کے درمیان فائرنگ کا تبادلہ ہوا۔
آئی پی آر کے مطابق دہشت گردوں سے فائرنگ کے تبادلے کے دوران پاک فوج کا 23 سالہ سپاہی وطن پر قربان ہو گیا۔ سپاہی وحید خان کا تعلق نوشہرہ سےتھا۔
ترجمان پاک فوج کے مطابق دہشتگردوں کے مکمل خاتمےکیلئے علاقے میں آپریشن جاری ہے۔