این ٹی ایس سسٹم میں خرابی، ملک بھر میں ریلوے کی آن لائن بکنگ رک گئی
لاہور: ریلوے ریزرویشن سسٹم کا لنک ڈاؤن ہونے سے مسافروں کو آن لائن بکنگ میں مشکلات کا سامنا کرنا پڑ رہا ہے۔
ریلوے ذرائع کے مطابق آن لائن بکنگ سسٹم سہ 3 تین بجے سے ڈاؤن ہے، ریلوے ریزرویشن سسٹم کا لنک ڈاؤن ہونے کے باعث ملک بھر میں ٹرینوں کی بکنگ رک گئی ہے۔
اس حوالے سے ترجمان پاکستان ریلوے کا کہنا ہے کہ این ٹی ایس سسٹم کے مین سرور میں خرابی پیدا ہو گئی ہے، این ٹی ایس سسٹم میں خرابی پیدا ہونے سے لنک ڈاؤن ہوا۔
ریلوے ترجمان کا کہنا ہے کہ خرابی دور کرنے کی کوشش کر رہے ہیں، سسٹم کچھ دیر میں بحال ہو جائے گا۔