ملتان میں ڈکیتی کے دوران 3 ڈاکو شہریوں کے تشدد سے ہلاک
جیولرکی دکان میں ڈکیتی مزاحمت پر ڈاکوؤں کی فائرنگ سے ایک شخص جاں بحق اور دو افراد زخمی بھی ہوئے
ملتان میں جیولر کی دکان پر ڈکیتی کے دوران شہریوں کے ہتھے چڑھنے والے تینوں ڈاکو تشدد سے ہلاک ہو گئے۔
پولیس کے مطابق ملتان کے علاقے گلگشت میں جیولرکی دکان میں ڈکیتی مزاحمت پر ڈاکوؤں کی فائرنگ سے ایک شخص جاں بحق اور دو افراد زخمی ہوئے تھے۔
پولیس کا بتانا ہے کہ شہریوں نے فرار ہونے والے ڈاکوؤں کو پکڑ کر شدید تشدد کا نشانہ بنایا، پکڑے جانے والے تینوں ڈاکو زخموں کی تاب نہ لاتے ہوئے نشتر اسپتال میں دم توڑ گئے۔
ملتان میں ہنگامی صورتحال چنگی نمبر 6 گردیزی مارکیٹ میں تین ڈاکو نے سنار کی دکان پر فائرنگ کردی جس کے نتیجے میں دو بچے کو دو دکاندار شہید ہوگئے
ڈاکو عوام کے ہتھے چڑھ گئے مار مار کے
ڈاکوؤں کو مار ڈالا#MultanEmergency #RobberyAttack #GardiziMarket #TragedyInChangiNo6 #Justice pic.twitter.com/njfVYEHLrA— Ch sohaib (@Chsohaib1111) March 27, 2023
سوشل میڈیا پر وائرل ویڈیو میں دیکھا جا سکتا ہے کہ شہریوں نے پکڑنے جانے والے تینوں ڈاکوؤں کو رسیوں سے باندھ رکھا ہے اور تینوں زمین پر ادھ موئے پڑے ہیں، پاس کھڑے ایلیٹ فورس اور پنجاب پولیس کے اہلکار عوام کو روکنے کی کوشش کر رہے ہیں تاہم بڑی تعداد میں ہجوم پولیس کی بات کو سنے بغیر ڈاکوؤں کو تشدد کا نشانہ بنا رہا ہے۔