پیٹرولیم ڈیلرز ایسوسی ایشن کامطالبات کی منظوری کیلئے حکومت کو 72 گھنٹےکا الٹی میٹم
پاکستان پیٹرولیم ڈیلرز ایسوسی ایشن نے اپنے مطالبات کی منظوری کے لیے حکومت کو 72 گھنٹے کا الٹی میٹم دے دیا ہے۔ چیئرمین ایسوسی ایشن کا کہنا ہے کہ پیٹرولیم مصنوعات کی قیمتوں میں روزانہ کی بنیاد پر تبدیلی ان کے کاروبار پر منفی اثرات مرتب کر رہی ہے۔
انہوں نے مطالبہ کیا کہ ڈیلرز مارجن کو بڑھا کر 8 فیصد کیا جائے اور متنبہ کیا کہ اگر حکومت نے 72 گھنٹے کے اندر ان کے مطالبات نہ سنے تو ملک بھر میں پیٹرول پمپس بند کر دیے جائیں گے۔
دوسری جانب آل پاکستان گڈز ٹرانسپورٹ اونرز ایسوسی ایشن کی ہڑتال بھی چوتھے روز میں داخل ہو چکی ہے اور تنظیم کے صدر کا کہنا ہے کہ مطالبات کی منظوری تک پہیہ جام ہڑتال ختم نہیں کی جائے گی۔