پی ٹی آئی کے کارکنان پر درج 25 مئی کے مقدمات خارج
پی ٹی آئی کے کارکنان پر درج 25 مئی کے مقدمات خارج کر دیئے گئے
وزیر داخلہ پنجاب ہاشم ڈوگر کا کہنا ہے کہ لاہور میں پی ٹی آئی رہنماوں پر14 مقدمات درج کیے گئے تھے،ثبوت مل گئے تمام پرچے جھوٹے اور سیاسی بنیادوں پر درج کیے گئے تھے ،عمران خان کو گرفتار کرنے کی کوشش کی گئی تو ردعمل عوام دیں گے، 25مئی واقعہ میں ملوث افسران کیخلاف تحقیقات لازمی مکمل کی جائیں گی،شہباز گل پر تشدد کے ثبوت پہلے دن سے ہمارے پاس موجود تھے ،عدالت کے طلب کرنے پر ہی تشدد کے ثبوت پیش کیے
تحریک انصاف کے چیئرمین عمران خان نے 25 مئی کو لانگ مارچ کا اعلان کیا تھا، لاہور سے جب لانگ مارچ کے شرکا نکلے تھے تو انکا پولیس کے ساتھ تصادم ہوا تھا، ان دنوں پنجاب کی صوبائی حکومت نے دفعہ 144 نافذ کر رکھی تھی، لانگ مارچ کے شرکا اور پولیس میں کئی مقامات پر تصادم ہوا تھا، پولیس نے پی ٹی آئی کے رہنماوں و کارکنان کو گرفتار بھی کیا تھا اور مقدمات بھی درج کئے تھے، اسوقت ن لیگ کی حکومت تھی، بعد ازاں پنجاب میں ن لیگ کی حکومت ختم ہوئی تو تحریک انصاف کے کارکنان پر درج مقدمے ختم کرنے کا فیصلہ کیا گیا تھا جو آج ختم کر دیئے گئے ہیں