الیکشن کمیشن کیخلاف احتجاج کیس، عمران خان کی عبوری ضمانت میں 4 اپریل تک توسیع
اسلام آباد: انسداد دہشت گردی کی عدالت نے عمران خان کی عبوری ضمانت میں 4 اپریل تک توسیع کر دی۔
چیئرمین پاکستان تحریک انصاف عمران خان کے خلاف الیکشن کمیشن کے فیصلے کے خلاف احتجاج کرنے پر تھانہ سنگجانی میں دہشت گردی کا مقدمہ درج کیا گیا تھا۔
خصوصی عدالت کے جج راجہ جواد عباس حسن نے سابق وزیر اعظم عمران خان کی درخواست پر محفوظ فیصلہ سناتے ہوئے ان کی حاضری سے استثنیٰ کی استدعا بھی منظور کر لی۔
واضح رہے چیئرمین پاکستان تحریک انصاف عمران خان آج لاہور ہائی کورٹ میں پیشی کی وجہ انسداد دہشتگردی کی عدالت میں پیش نہیں ہو پائے تھے۔