علی زیدی کا فیصل واوڈ پر لانگ مارچ کو نقصان پہنچانے کا الزام
پاکستان تحریک انصاف (پی ٹی آئی) سندھ کے صدر اور سابق وفاقی وزیر علی زیدی نے فیصل واوڈ پر لانگ مارچ کو نقصان پہنچانے کی کوشش کا الزام لگادیا۔
ایک بیان میں علی زیدی نے کہا کہ فیصل واوڈا نے اسلام آباد کی پریس کانفرنس کے ذریعے پی ٹی آئی کے لانگ مارچ کو نقصان پہنچانے کی کوشش کی۔
انہوں نے کہا کہ فیصل واوڈا کی گفتگو سرکاری ٹی وی سمیت تمام چینل نے دکھائی، یہ اس بات کا ثبوت ہے کہ انہیں امورٹڈ حکومت نے لانچ کیا ہے۔
Vawda tried to damage our #LongMarch
Interestingly all channels + PTV covered the presser so it’s clear that #ImportedGovernment launched him. But he made no sense.
When @ImranKhanPTI has clearly issued instructions for all to remain peaceful, what weight does his presser carry?— Ali Haider Zaidi (@AliHZaidiPTI) October 26, 2022
علی زیدی نے مزید کہا کہ فیصل واوڈا کی پریس کانفرنس کا کوئی مقصد سمجھ نہیں آیا۔
ان کا کہنا تھا کہ عمران خان کی سب کو پر امن رہنے کی واضح ہدایات ہیں، اس کے بعد پریس کانفرنس کا کوئی وزن نہیں۔