پشاور: طالبات اور ملازمت پیشہ خواتین کو مفت الیکٹرک اسکوٹیز دینےکی منظوری
APP06-090921
HYDERABAD: September 09 A woman riding Scotty on the way towards her destination, it is very unusual and strange that a woman rides a bike or scooty although It is not taboo in the country. APP Photo by Farhan Khan
پشاور میں طالبات اور ملازمت پیشہ خواتین کو مفت الیکٹرک اسکوٹیز دینے کی منظوری دے دی گئی ہے۔
وزیراعلیٰ خیبرپختونخوا سہیل آفریدی کی زیر صدارت منعقدہ اجلاس میں حکام کو اسکوٹیز کی فراہمی کے لیے فوری اقدامات کی ہدایت کی گئی۔ بریفنگ میں بتایا گیا کہ پہلے مرحلے میں یہ الیکٹرک اسکوٹیز پشاور کی طالبات اور ملازمت پیشہ خواتین کو دی جائیںگی۔
اگلے مرحلے میں اس منصوبے کا دائرہ کار دیگر اضلاع تک بڑھایا جائے گا۔ اس موقع پر وزیراعلیٰ کا کہنا تھا کہ الیکٹرک اسکوٹیز کے استعمال سے خواتین کو تعلیم اور روزگار تک محفوظ رسائی حاصل ہوگی، جبکہ اس سے ماحول میں فضائی آلودگی کو کم کرنے میں بھی مدد ملے گی۔