برطانیہ کی آنجہانی ملکہ ایلزیبتھ کے انتقال کے بعد ان کے لئے عمرہ کرنے والے یمنی شہری کو سیکورٹی فورسز نے گرفتار کرلیا۔
غیرملکی خبرایجنسی کےمطابق یمنی شہری نے عمرہ ادا کرنے کے بعد سوشل میڈیا پر پوسٹ شیئر کی جس میں بتایا گیا کہ وہ ملکہ کی روح کو سکون پہنچانے کےلیے عمرہ کررہے ہیں۔
اس ویڈیو نے سوشل میڈیا پر بھونچال برپا کردیا۔ شدید تنقید کے بعد سیکورٹی فورسز نے بروقت کارروائی کرتے ہوئے یمنی شہری کو گرفتار کرلیا۔
سعودی عرب میں عمرے اور حج کے دوران کسی قسم کا بینر لہرانا یا نعرے لگانے کی ممانعت ہے۔