برطانیہ کی آنجہانی شہزادی ڈیانا کا پسندیدہ جوڑا نیلامی کیلئے پیش کردیا گیا
لیڈی ڈیانا کا جامنی رنگ کا گاؤن 27 جنوری کو نیلامی کیلئے رکھا جائے گا۔ شہزادی ڈیانا کا سوٹ 21 جنوری کو نیویارک میں ہونے والے ماسٹر ویک میں رکھا جائے گا جس کے بعد نیلامی کی جائے گی۔
نیلامی میں جوڑا ایک لاکھ 20ہزارامریکی ڈالر یعنی دو کروڑ 72 لاکھ 70 ہزار پاکستانی روپے میں فروخت ہونے کا امکان ہے۔
اس سے قبل بھی لیڈی ڈیانا کے کپڑے اور ان کے زیر استعمال رہنے والی اشیا نیلامی کیلئے پیش کی گئی ہیں جن سے حاصل ہونے والی آمدنی خیراتی کاموں میں لگائی گئی۔
خیال رہےکہ31 اگست 1997 میں لیڈی ڈیانا پیرس میں ایک کار حادثے میں انتقال کرگئیں تھیں۔