چین کے صدر شی جن پنگ مسلسل تیسری بارحکمران جماعت کمیونسٹ پارٹی آف چائناکے جنرل سیکرٹری منتخب ہو گئے ہیں ۔
شی جن پنگ کے تیسری بار کمیونسٹ پارٹی کا جنرل سیکرٹری منتخب ہونے پروزیراعظم پاکستان شہباز شریف نے مبارکباد پیش کی۔
ٹوئٹر پر جاری بیان میں شہباز شریف نے کہا کہ صدر شی جن پنگ کا انتخاب چینی عوام کی خدمت کے لیے ان کی دانشمندانہ ذمہ داری کو شاندارخراج تحسین ہے۔
وزیراعظم شہباز کا کہنا تھا کہ یہ انتخاب ان کی مدبرانہ قیادت اور چین کے عوام کی پرخلوص خدمت کے غیر متزلزل جذبے کو خراج تحسین ہے۔