لاہور/ اسلام آباد: محکمہ موسمیات نے خبردار کیا ہے کہ آج سے پارہ اوپر جانا شروع ہوگا، 24 جون کے دوران درجہ حرارت میں اضافے کا امکان ہے۔

اسلام آباد، بالائی اور وسطی پنجاب، بالائی خیبر پختونخوا، گلگت بلتستان اور کشمیر میں درجہ حرارت 4 سے 6 ڈگری سینٹی گریڈ بڑھ سکتا ہے۔

سندھ، جنوبی پنجاب اور بلوچستان میں درجہ حرارت 2 سے 4 ڈگری سینٹی گریڈ معمول سے زیادہ رہنے کا امکان ہے۔

شہریوں کو گرمی سے بچاؤ کی احتیاطی تدابیر اختیار کرنے کی ہدایت کی گئی ہے۔

ڈی جی پی ڈی ایم اے کا کہنا ہے کہ عوام سورج کی روشنی میں باہر نکلتے ہوئے احتیاطی تدابیر اختیار کریں، بزرگ اور بچے صبح 10 سے شام 5 بجے تک براہ راست دھوپ میں نہ نکلیں۔

 بالوں کا سفید ہونا عمر بڑھنے کی علامت ہوا کرتا تھا لیکن اب خراب طرز زندگی کی وجہ سے بالوں کا سفید ہونا جوانی میں ہی آنے لگا ہے۔ ایسے میں لوگ بالوں کو سیاہ کرنے کے لیے ڈائی کا استعمال شروع کر دیتے ہیں۔ یہ کچھ وقت کے لیے بالوں کو سیاہ کرتا ہے لیکن کچھ عرصے بعد ان کی رنگت نکل جاتی ہے، ساتھ ہی اس میں موجود کیمیکلز آپ کے بالوں اور جلد کو بھی نقصان پہنچاتے ہیں۔ایک سب سے بڑا مسئلہ جو سامنے آتا ہے وہ یہ ہے کہ اگر بال ایک بار سفید ہو جائیں اور آپ انہیں ، پھر آپ کو ہمیشہ ایسا کرنا ہوگا۔ لیکن کیا آپ جانتے ہیں کہ آپ بغیر کسی نقصان کے اپنے بالوں کو کالے رنگ کر سکتے ہیں۔ آپ اپنے کچن میں دستیاب چیزوں سے گھر پر ہیئر ڈائی بنا سکتے ہیں اور اسے اپنے بالوں پر لگا سکتے ہیں۔ یہ بالوں کو صحت مند رکھنے کے ساتھ ساتھ بالوں کو ہمیشہ کے لیے سیاہ کرنے میں بھی مددگار ثابت ہوسکتی ہے۔ آئیے جانتے ہیں بالوں کو سیاہ کرنے کے لیے علاج کا نسخہ۔ ایسی صورتحال میں ہم آپ کو بغیر کسی نقصان کے بالوں کو سیاہ کرنے کا ایک ایسا علاج بتانے جارہے ہیں جسے آپ ضرور آزمائیں، اسے بنانا بہت آسان ہے۔ اس کے لیے آپ کو صرف 4 چیزوں کی ضرورت ہوگی۔ آئیے جانتے ہیں وہ کیا ہیں-

کلونجی
سیاہ تل
بھرنگراج پاؤڈر
شکاکائی
خشک اور جھرجھری والے بالوں سے پریشان، ان قدرتی اجزاء سے کنڈیشنر آزمائیں، بال چمکیں گے۔

قبل از وقت سفید بالوں کو کالا کیسے کریں؟

نیچرل ہوم میڈ ہیئر ڈائی بنانے کا طریقہ

  سب سے پہلے 2 چائے کے چمچ کالے تل اور 2 چائے کے چمچ سونف کے بیجوں کو ہلکے سے بھونیں۔
جب ٹھنڈا ہو جائے تو ان دونوں کو مکسچر میں ڈال کر باریک پاؤڈر بنا لیں۔
اب ایک بڑا پیالہ لیں، اس میں 2 چمچ شیکاکائی اور 2 چمچ بھرنگراج پاؤڈر ڈال کر اچھی طرح مکس کریں۔
اب اس میں 2 چمچ پہلے سے تیار کالے تل اور سونف کا پاؤڈر ڈال کر مکس کریں۔
ان تمام پاؤڈروں کو مکس کریں اور اس میں پانی ڈالیں۔ اگر آپ چاہیں تو اس میں چائے کی پتی یا کافی کا پانی ڈال کر بھی مکس کر سکتے ہیں۔
اس کی مستقل مزاجی ایسی ہونی چاہیے کہ بالوں پر اچھی طرح لگ جائے۔
اس ہیئر ڈائی کو مکس کریں اور اسے 15-20 منٹ تک آرام کرنے دیں۔
اس کے بعد اس ڈائی کو اپنے بالوں کی جڑوں سے بالوں کے سروں تک لگائیں۔
اس پیک کو تقریباً آدھے گھنٹے کے لیے رکھیں۔
اس کے بعد بالوں کو دھو لیں۔
آئیے آپ کو بتاتے ہیں کہ کالے تل اینٹی آکسیڈنٹ سے بھرپور ہوتے ہیں جو بالوں کو مضبوط بنانے میں مددگار ثابت ہوتے ہیں۔ دوسری طرف، شیکاکائی میں پروٹین ہوتا ہے جو ہلکے صاف کرنے والے کا کام کرتا ہے۔ یہ ہیئر ڈائی خشکی کو کم کرنے، بالوں کو سیاہ، لمبا اور مضبوط بنانے میں بھی مددگار ثابت ہو سکتی ہے۔

نوٹ : یہ مواد صرف مشورے سمیت عمومی معلومات فراہم کرتا ہے۔ یہ کسی بھی طرح مستند طبی رائے کا متبادل نہیں ہے۔ مزید تفصیلات کے لیے ہمیشہ کسی ماہر یا اپنے ڈاکٹر سے رجوع کریں۔

اسلام آباد: کابینہ کی اقتصادی رابطہ کمیٹی(ای سی سی)نے پیرا سیٹا مول سمیت مزید 20 ادویات کی قیمت بڑھانے کی منظوری دے دی ہے جبکہ 18 نئی ادویات کی بھی زیادہ سے زیادہ خوردہ قیمتوں کے تعین کی منظوری دیدی ہے۔

وزیر خزانہ اسحاق ڈار کی زیر صدارت ہونیوالے ای سی سی کے اجلاس میں پیراسٹامول سادہ گولی 500 ملی گرام کی قیمت روپے میں 2.67 اور پیراسیٹامول ایکسٹرا ٹیبلٹ 500 ملی گرام کی قیمت 3.32 روپے مقرر کرنے کی منظوری دیدی۔

ای سی سی نے سیلاب سے متاثرہ علاقوں میں کمرشل صارفین کے لیے ستمبر 2022 کے مہینے کے بجلی کے بلوں کو اگلے بلنگ سائیکل تک موخر کر دیا اور ای سی سی نے سیلاب متاثرہ علاقوں کے گھریلو صارفین کے دو ماہ کے بل بھی معاف کرنے کی مںظوری دی اور 10.34 ارب روپے کی اضافی گرانٹ کی منظوری بھی دی۔

اس کے علاوہ کابینہ اجلاس میں بجلی کے بڑے صارفین سے 76 ارب روپے وصول کرنے کا فیصلہ کیا گیا ہے جس کیلئے بجلی کے بڑے صارفین پر ایک روپیہ فی یونٹ سرچارج عائد ہو گا، سرچارج کا اطلاق کے الیکٹرک کے صارفین پر بھی ہوگا۔

 مچھلی کو انسانی دل، دماغ ، نظام انہضام اور آنکھوں کی بیماری سمیت وٹامن ڈی میں مددگار غذا سمجھا جاتا ہے ، تاہم ایک حالیہ تحقیق سے اس کے ایک اور فائدے کا انکشاف ہوا ہے۔

امریکی ماہرین کی جانب سے کی جانے والی ایک  حالیہ تحقیق میں یہ بتایا گیا ہے   کہ گردوں کی بیماری میں مبتلا افراد کیلئے مچھلی کھانا بے حد فائدہ مند ہے ۔

طبی جریدے میں شائع تحقیق کے مطابق امریکی ماہرین نے ’اومیگا تھری ‘ یا عام الفاظ میں مچھلیوں کی مختلف اقسام کا انسان کے گردوں کی بیماری پر اثرات جانچنے کے لیے تحقیق کی گئی ، اس تحقیق کے دوران ماہرین نے دنیا بھر کے 12 ممالک میں ہونے والی 19 مختلف تحقیقات کا جائزہ لیا۔

کیا آپ مونگ پھلی کے ان حیرت انگیز فوائد سے واقف ہیں؟

ماہرین کی جانب سے ان تحقیقات میں شامل 26 ہزار کے قریب افراد کے ڈیٹا کا جائزہ لیا گیا ان رضاکاروں سے 11 سال تک تحقیقات کی گئی تھی اور اب ان کی صحت کا 11 سال بعد دوبارہ جائزہ لیا گیا۔

ماہرین تحقیقات میں اس نتیجے پر پہنچے کہ مجموعی طور پر سمندری مخلوق یعنی مچھلیوں کی مختلف اقسام پر مبنی غذائیں کھانے والے افراد میں گردوں کی بیماریاں کم ہوتی ہیں جبکہ گردوں کے پرانے یا شدید مرض کا شکار افراد کیلئے مچھلی کھانا انتہائی سود مند ثابت ہوتا ہے ۔

ماہرین نے بتایا کہ ڈیٹا سے معلوم ہوا کہ جن افراد نے سبزیوں اور پھلوں سے ’اومیگا تھری‘ وٹامن حاصل کی ، ان کے گردوں کی بیماری پر کوئی فرق نہیں پڑا جب کہ مچھلیاں کھانے والے افراد میں بیماری نمایاں طور پر کمی سامنے آئی ۔

تحقیق کے مطابق جو افراد یومیہ مچھلیوں پر مبنی غذا کھاتے رہے، ان کی گردوں کی بیماری 8 فیصد کمی ہوئی جبکہ جن رضاکاروں نے مچھلیوں سے تیار زیادہ غذائیں کھائیں ان کی شدید گردوں کی بیماری 13 فیصد تک ہوگئی۔

ماہرین نے بتایا کہ مچھلیاں کھانے سے گردوں کے امراض پیدا ہونے سے بھی محفوظ رہا جا سکتا ہے جبکہ ماہرین کا ماننا ہے کہ گردوں کی صحت کے لیے لوگوں کو مختلف اقسام کی مچھلیاں کھانی چاہئیے۔

میاں بیوی کے درمیان اکثر لڑائی ہونا صحت کے لیے تو تباہ کن ثابت ہی ہے مگر ایک دوسرے کے مسائل پر بات کرنے سے گریز یا سرد مہری پر مبنی رویہ بھی نقصان دہ ہوتا ہے۔

یہ بات امریکا میں ہونے والی ایک نئی طبی تحقیق میں سامنے آئی۔

اوہائیو اسٹیٹ یونیورسٹی کی تحقیق میں بتایا گیا کہ شوہر اور بیوی کے درمیان اکثر تکرار، ایک دوسرے کے مسائل پر بات چیت کرنے سے گریز اور سرد مہری سے باہمی تعلق مزید خراب ہوجاتا ہے جبکہ مدافعتی نظام کے افعال پر منفی اثرات مرتب ہوتے ہیں۔

تحقیق میں بتایا گیا کہ اس طرح کا تعلق دائمی ورم کا باعث بن سکتا ہے۔

جسمانی وزن میں کمی کے لیے ورزش کا بہترین وقت

ان محققین نے 2005 میں بھی ایک تحقیق کے دوران دریافت کیا تھا کہ شادی شدہ جوڑوں میں معمولی تکرار کے دوران پیدا ہونے والا تناؤ جسم کی زخم ٹھیک کرنے کی صلاحیت کو سست کردیتا ہے۔

اب اس تحقیقی کام کو مزید بڑھایا گیا ہے اور دریافت ہوا کہ جب جوڑے ایک دوسرے سے منفی انداز سے بات چیت کرتے ہیں یا بات کرنے سے گریز کرتے ہیں تو شوہر اور بیوی دونوں جذباتی مسائل کے شکار ہوتے ہیں جبکہ مدافعتی افعال متاثر ہوتے ہیں۔

محققین نے بتایا کہ اگرچہ شادی کے بارے میں مانا جاتا ہے کہ اس سے صحت پر مثبت اثرات مرتب ہوتے ہیں، مگر ایسا خودکار طور پر نہیں ہوتا۔

چینی کا استعمال ،جان لیوا امراض میں اضافے کا باعث بن رہا ہے ، ماہرین

درحقیقت جوڑوں کا پرتناؤ تعلق صحت پر منفی اثرات مرتب کرسکتا ہے۔

اس تحقیق میں 42 جوڑوں کو شامل کیا گیا تھا جن کی شادی کو اوسطاً 12 سال ہوچکے تھے۔

ان افراد کے خون کے نمونوں کو تحقیق کے آغاز میں حاصل کرکے ورم کے آثار کی جانچ پڑتال کی گئی تھی اور ہر فرد کی کہنی میں ایک ڈیوائس کے ذریعے چھوٹا زخم بنایا گیا۔

تحقیق کے دوران اس زخم کے بھرنے کے عمل کی مانیٹرنگ کی گئی تاکہ مدافعتی نظام کے افعال کا اندازہ ہوسکے۔

اردو میں لکھا 90 سال پرانا شادی کا دعوت نامہ وائرل

تحقیق میں دریافت کیا گیا کہ جوڑوں کے درمیان بات چیت کی کمی سے مدافعتی افعال کو نقصان پہنچ سکتا ہے جبکہ منفی جذبات کا تسلسل برقرار رہنے سے صحت متاثر ہوتی ہے اور زخم بھرنے کا عمل زیادہ سست ہوجاتا ہے۔

شوہر نے بیوی کا گردہ چوری کرکےفروخت کردیا

تحقیق میں دریافت کیا گیا کہ ایسے جوڑے جو ایک دوسرے سے زیادہ اچھے طریقے سے بات چیت کرتے ہیں ان کی صحت پر خوشگوار اثرات مرتب ہوتے ہیں۔

محققین کا کہنا تھا کہ جوڑوں کے درمیان بات چیت کی صلاحیت کو بہتر بنانے سے باہمی تعلق کو مضبوط بنانے کے ساتھ ساتھ صحت کو بھی بہتر بنانا ممکن ہے۔

اس تحقیق کے نتائج جرنل Psychoneuroendocrinology میں شائع ہوئے۔

اسلام آباد: فینبر اور میفکو 50 ایم جی ادویات کو غیر معیاری قرار دے دیا گیا، ڈرگ ریگولیٹری اتھارٹی نے الرٹ جاری کرتے ہوئے کمپنیوں کو فوری طور پر غیر معیاری ادویات مارکیٹ سے اٹھانے کی ہدایت کر دی۔

ڈریپ کے مطابق فینبر 50 ایم جی ٹیبلٹس کا بیچ نمبر 2752 غیر معیاری قرار دیا گیا ہے، میفکو 50 ایم جی کے بیچ نمبر 21053 کو بھی غیر معیاری قرار دیا گیا۔

ڈریپ نے تمام فارماسسٹ اور کیمسٹ کو ان بیچز کی ادویات کی فراہمی فوری روکنے کی ہدایت کی ہے اور کہا ہے کہ باقی رہ جانے والا سٹاک فوری طور پر کمپنیوں کو واپس کیا جائے۔

ڈرگ ریگولیٹری اتھارٹی کا مزید کہنا ہے کہ غیر معیاری ادویات کو مارکیٹ سے اٹھوانے کے لئے اقدامات تیز کر دیے گئے ہیں۔

موجودہ عہد میں جوانی میں بالوں کا سفید ہونا عام ہوتا جارہا ہے۔

بال اس وقت سفید ہوتے ہیں جب ہمارے خلیات بالوں اور جلد کو رنگت فراہم کرنے والے میلانین نامی جز کو بنانا روک دیتے ہیں یا یہ بہت کم مقدار میں بنتا ہے۔

جسم میں میلانین کی مقدار جتنی کم ہوگی بالوں میں سفیدی اتنی زیادہ ہوگی۔

عمر بڑھنے کے ساتھ بھی بالوں میں میلانین کی مقدار میں کمی آتی ہے اور 30 سال کے بعد ہر دہائی میں بالوں کے سفید ہونے کا امکان 20 فیصد بڑھ جاتا ہے۔

کیا آپ مونگ پھلی کے ان حیرت انگیز فوائد سے واقف ہیں؟

کچھ افراد کے بال خراب صحت اور جینز کے نتیجے میں جلد سفید ہوجاتے ہیں۔

مگر سوال یہ ہے کہ کیا اگر بال قبل از وقت سفید ہو جائیں تو ان کی قدرتی رنگت واپس لانا ممکن ہے؟

جینز یا عمر بڑھنے کے نتیجے سفید ہونے والے بال

ہوسکتا ہے کہ آپ کو علم نہ ہو مگر ہمارے بال قدرتی طور پر سفید ہوتے ہیں مگر پیدائش کے وقت ہمارے جینز میلانین کو متحرک کرکے ان کی رنگت کا تعین کرتے ہیں۔

ہمارے بالوں کی جڑوں میں ایسے خلیات موجود ہوتے ہیں جو میلانین کو keratins پروٹینز کے ساتھ ملا کر تیار کرتے ہیں۔

بالوں میں میلانین کا ختم ہونا بھی قدرتی عمل ہے خاص طور پر 30 سال کی عمر کے بعد۔

30 سال کی عمر کے بعد بالوں کی رنگت سفید ہونے کا زیادہ تر انحصار ہمارے جینز پر ہوتا ہے، اگر والدین کے بال جلد سفید ہو گئے تھے تو اس بات کا قوی امکان ہے کہ آپ کے ساتھ بھی ایسا ہی ہوگا۔

جینز یا عمر کے نتیجے میں سفید ہونے والے بالوں کی رنگت دوبارہ واپس لانا ممکن نہیں۔

ایک بار جب بالوں کی جڑیں میلانین سے محروم ہوجاتی ہیں تو وہ خود اس کو تیار نہیں کرسکتیں اور بال سفید ہوجاتے ہیں۔

تو کب بالوں کی رنگت بحال کرنا ممکن ہے؟

20 سے 30 سال کے دوران بالوں کا سفید ہونا عموماً والدین کا ورثہ ہوتا ہے مگر اس بات کا امکان بھی یہ ہے کہ وہ کسی قدرتی جز کی کمی یا بیماری کا نتیجہ ہو۔

قدرتی اجزا کی کمی

اگر آپ متوازن غذا کھانے کے عادی ہیں تو زیادہ امکان یہی ہوتا ہے کہ قبل از وقت بالوں کی سفیدی غذائی اجزا کی کمی کا نتیجہ نہیں۔

البتہ اگر آپ کی غذا میں مخصوص اجزا جیسے وٹامن بی 12، فولیٹ، کاپر اور آئرن کی کمی ہو تو بھی بال قبل از وقت سفید ہوجاتے ہیں۔

ڈاکٹر ہی ٹیسٹ کرکے بتاسکتے ہیں کہ جسم میں کس غذائی جز کی کمی ہے جس کے بعد اس جز کے غذائی سپلیمنٹس سے اس کمی کو دور کرکے بالوں کی سفیدی کو ریورس کرنے کی کوشش کی جاسکتی ہے۔

خیال رہے کہ سپلیمنٹس سے بالوں کی سفیدی کو ریورس کرنے کا طریقہ اسی وقت کام کرتا ہے جب ڈاکٹر کسی غذائی جز کی کمی کو تشخیص کرے۔

مختلف بیماریاں

بالوں کی قبل از وقت سفیدی برص، تھائی امراض اور گنج پن کے باعث بننے والے مرض alopecia areata کا نتیجہ بھی ہوسکتی ہے۔

ہارمونز کی کمی بیشی بھی بالوں کی سفیدی میں کردار ادا کرتی ہے۔

ان امراض کے علاج سے میلانین بننے کا عمل پھر بحال ہوسکتا ہے اور وقت کے ساتھ بالوں کی سفید رنگت ریورس ہوسکتی ہے، مگر اس کا امکان بہت زیادہ نہیں ہوتا۔

تناؤ

زندگی میں ہر فرد کو وقتاً فوقتاً تناؤ کا سامنا ہوتا ہی ہے مگر دائمی تناؤ نیند کے مسائل، انزائٹی، کھانے کی اشتہا میں تبدیلی اور ہائی بلڈ پریشر کا باعث بن سکتا ہے۔

حالیہ تحقیقی رپورٹس میں تناؤ اور بالوں میں قبل از وقت سفیدی کے درمیان تعلق کو دریافت کیا گیا ہے۔

اگر اچانک بال سفید ہونے لگے ہیں تو اس کی وجہ تناؤ کا شکار رہنا بھی ہوسکتا ہے اور اس پر قابو پانے سے بالوں کی رنگت بحال ہونے کا کسی حد تک امکان ہوتا ہے۔

بالوں کو قبل از وقت سفید ہونے سے کیسے روکیں؟

ویسے بالوں کو قبل از وقت سفید ہونے سے بچانے کے لیے کوئی واضح طریقہ کار تو موجود نہیں مگر چند طریقوں سے اس کی رفتار سست کی جاسکتی ہے۔

تناؤ کو کنٹرول کرنے سے بھی آپ اس عمل کو سست کرسکتے ہیں۔تمباکو نوشی سے گریز کرکے بھی بالوں

کو قبل از وقت سفید ہونے سے بچانا ممکن ہوسکتا ہے۔

کینسر اور امراض قلب کاسبب بنے والی عام غزائیں

جسمانی وزن کو کنٹرول میں رکھنے، کیمیکلز اور آلودگی سے بچنے جبکہ گھر سے باہر سورج کی تیز روشنی میں ٹوپی پہن کر پھرنے سے بھی یہ عمل سست ہوسکتا ہے۔

کراچی: ملک میں کووڈ کے پھیلاؤں کے خطرات کے پیش نظر ائیرپورٹس پر حفاظتی اقدامات کی ہدایات جاری کردی گئیں۔

ترجمان سول ایوی ایشن اتھارٹی کے مطابق نیشنل کمانڈ اینڈ آپریشن سینٹر کی ہدایات پر ائیرپورٹس پر جراثیم کش سپرے جاری ہے، ڈس انفیکشن سپرے آمد اور امیگریشن ہالوں میں کیا جارہا ہے۔

ترجمان نے بتایا کہ بالخصوص بین الاقوامی پروازوں کے بعد ڈس انفیکشن عمل کویقینی بنایا جاتا ہے، تمام لاؤنجز اور کنکورس ایریا میں بھی ڈس انفیکشن کا عمل جاری ہے، اسی کے ساتھ بین الاقوامی فلائٹ آمد کے 2 فیصد مسافروں کی رینڈم سیمپلنگ بھی جاری ہے۔

قومی ادارہ برائے صحت اسلام آباد نے ملک بھر کی لیبارٹریوں کو ٹائیفائیڈ بخار کے غیر مصدقہ ٹیسٹ کرنے سے روک دیا۔

این آئی ایچ اسلام آباد کی جانب سے جاری ہدایت نامے میں کہا گیا ہے کہ ٹائیفائیڈ بخار کی تصدیق کے لیے وڈال  اور ٹائفی ڈاٹ  ٹیسٹ نہ کیے جائیں۔

قومی ادارہ برائے صحت کا کہنا ہے کہ ٹائیفائیڈ بخار کے آؤٹ بریکس ملک کے مختلف حصوں خصوصاً سیلاب زدہ علاقوں سے رپورٹ ہو رہے ہیں، سیلاب زدہ علاقوں میں کچھ لیبارٹریاں اور اسپتال اب بھی یہ ٹیسٹ کر رہے ہیں۔

این آئی ایچ کا کہنا ہے کہ ٹائیفائیڈ بخار کی تصدیق کے لیے مصدقہ ٹیسٹ صرف بلڈ کلچر ہے اور وہی کیا جائے۔

قومی ادارہ برائے صحت کے ہدایت نامے کے بعد سندھ ہیلتھ کیئر کمیشن نے بھی صوبے بھر کی لیبارٹریوں اور اسپتالوں کو وڈال اور ٹائفی ڈاٹ ٹیسٹ کرنے سے روک دیا ہے۔

سندھ ہیلتھ کیئر کمیشن کی جانب سے لکھے گئے خط میں کہا گیا ہے کہ غیر مصدقہ ٹیسٹ کرنے والی لیباٹریوں اور اسپتالوں کے خلاف ایکشن لیا جائے گا۔

اس کے علاوہ اسلام آباد ہیلتھ کیئر ریگولیٹری اتھارٹی اور دیگر اداروں نے بھی وڈال اور ٹائفی ڈاٹ ٹیسٹ کرنے پر پابندی عائد کر دی ہے۔

ماہرین متعدی امراض کا کہنا ہے کہ وڈال اور ٹائفی ڈاٹ کے نتیجے میں ٹائیفائیڈ بخار کی غلط تشخیص ہوتی ہے، اکثر وائرل بخار اور ملیریا میں مبتلا افراد کی غلط تشخیص ہونے کے باعث انہیں اینٹی بائیوٹک ادویات دی جاتی ہیں جو کہ غلط علاج ہے۔

اکثر افراد کو بستر پر لیٹنے کے بعد سونے میں مشکلات کا سامنا ہوتا ہے۔

ویسے تو لیٹتے ہی گہری نیند میں چلے جانا متعدد طریقوں سے ممکن ہے مگر 5  منٹ کے اندر ایسا کرنا کسی فن سے کم نہیں۔

کچھ افراد کے لیے مطالعہ کرتے ہوئے یا موسیقی سنتے ہوئے سونا آسان ہوتا ہے جبکہ دیگر ذرا مشکل طریقوں پر عمل کرتے ہیں۔

دوسری جانب ایسے افراد کی تعداد بھی کم نہیں جن کو بستر پر لیٹ کر کروٹیں بدلنا پڑتی ہیں اور پھر بھی نیند نہیں آتی۔

اگر آپ کو بھی اس مسئلے کا سامنا ہوتا ہے تو درج ذیل طریقوں پر عمل کرکے اچھی نیند کو یقینی بناسکتے ہیں۔

مگر یہ کوئی جادوئی گولی نہیں بلکہ آپ کو ان طریقوں کی مشق کرنا ہوگی اور چند دن میں 5 منٹ کے اندر سونا ممکن ہوجائے گا۔

بستر پر جانے سے قبل ڈیوائسز سے دور رہیں

اسمارٹ فونز، کمپیوٹر اور ٹیبلیٹ جیسی ڈیوائسز سے نیلی روشنی خارج ہوتی ہے۔

یہ نیلی روشنی جسمانی گھڑی کے افعال پر منفی اثرات مرتب کرتی ہے اور نیند کو دور بھگا دیتی ہے۔

تو سونے سے کم از کم 15 سے 30 منٹ پہلے ان ڈیوائسز سے دور ہوجائیں یا کم از کم فون کو ائیرپلین موڈ پر سوئچ کردیں۔

ورزش کو معمول بنائیں

ضروری نہیں کہ جم کا رخ کریں یا گھر سے باہر جاگنگ کریں مگر دن بھر میں 30 منٹ تک تیز رفتاری سے چہل قدمی کرنا ضرور عادت بنائیں۔

جسمانی سرگرمیوں سے نیند کا معیار اور دورانیہ بہتر ہوتا ہے جبکہ تناؤ میں کمی آتی ہے جس سے مزاج پر خوشگوار اثرات مرتب ہوتے ہیں اور جلد سونے میں مدد ملتی ہے۔

نیند کا وقت طے کریں

نیند کا مخصوص وقت جلد سونے میں مدد فراہم کرتا ہے۔

ہمارے جسم کا اپنا ریگولیٹری سسٹم ہوتا ہے اور اندرونی گھڑی دن میں ذہنی طور پر مستعد رکھتی ہے جبکہ رات کو غنودگی طاری کرتی ہے۔

روزانہ مخصوص وقت پر سونے کے لیے لیٹنے اور صبح جاگنے سے اندرونی گھڑی کو معمول برقرار رکھنے میں مدد ملتی ہے۔

جب ہمارا جسم نیند کے معمول کا عادی ہوجاتا ہے تو مخصوص وقت پر سونا اور جاگنا آسان ہوجاتا ہے۔

چائے یا کافی سے گریز

چائے یا کافی میں موجود کیفین جسمانی طور پر مستعد بنانے کے لیے اہم غذائی جز ہے مگر رات کو ان  مشروبات کا استعمال نیند کے لیے تباہ کن ثابت ہوتا ہے۔

ویسے تو ہر فرد پر کیفین کے اثرات مختلف ہوسکتے ہیں مگر بہتر یہ ہے کہ نیند کے وقت سے چند گھنٹے پہلے ہی ان سے دوری اختیار کرلیں۔

مطالعہ کریں

کچھ دیر مطالعہ کرنے سے بھی جلد سونے میں مدد مل سکتی ہے۔

سانس لینے کا مخصوص طریقہ

ہارورڈ یونیورسٹی کے ایک ماہر نے بے خوابی کا ایک آسان حل پیش کیا ہے اور اس کی مدد سے آپ ایک منٹ میں بھی سونے میں کامیاب ہوسکتے ہیں۔

ہارورڈ کے ڈاکٹر اینڈریو ویل کے مطابق یہ ایک قدرتی ٹوٹکا ہے جو صدیوں سے مختلف افراد استعمال کررہے ہیں۔

اس طریقے کو 4-7-8 کا نام دیا گیا ہے اور یہ سننے یا بولنے جتنا ہی آسان ہے۔

سب سے پہلے بستر پر سکون سے لیٹ جائیں اور پھر اپنی ناک سے 4 سیکنڈ کے لیے سانس لیں، اس کے بعد 7 سیکنڈ کے لیے سانس روک لیں اور پھر منہ سے 8 سیکنڈ میں آہستگی سے سانس خارج کریں۔

یہ عمل اس وقت تک دہرائیں جب تک نیند نہیں آجاتی اور اکثر اوقات لوگ اسے آزما کر ایک منٹ کے اندر ہی سونے میں کامیاب ہوجاتے ہیں۔