مراد سعید کی بنی گالہ میں کرکٹ کھیلنے کی ویڈیو وائرل
مراد سعید نے پی ٹی آئی کے ٹائیگرز کا جذبہ بڑھانے کے لیے ان کے ساتھ کرکٹ کھیلی
پاکستان تحریک انصاف کے رہنما اور سابق وفاقی وزیر مراد سعید کی چیئرمین تحریک انصاف عمران خان کی بنی گالہ رہائش گاہ کے باہر کرکٹ کھیلنے کی ویڈیو سوشل میڈیا پر وائرل ہو رہی ہے۔
پاکستان تحریک انصاف کے آفیشل ٹوئٹر ہینڈل سے ایک ویڈیو شیئر کی گئی جس میں تحریک انصاف کے رہنما مراد سعید کو کرکٹ کھیلتے ہوئے دیکھا جا سکتا ہے۔
ویڈیو کے ساتھ جاری کیپشن میں لکھا گیا ہے کہ مراد سعید بنی گالہ میں موجود کپتان کے ٹائیگرز کے ساتھ وقت گزار رہے ہیں جو عمران خان کو امپورٹڈ حکومت سے بچانے کے لیے موجود ہیں۔
پی ٹی آئی کے سوشل میڈیا اکاؤنٹ پر مزید کہا گیا ہے کہ مراد سعید نے پی ٹی آئی کے ٹائیگرز کا جذبہ بڑھانے کے لیے ان کے ساتھ کرکٹ کھیلی اور ایک شاٹ پر زوردار ہٹ لگائی جیسے وہ پارلیمنٹ کے اندر پیپلز پارٹی اور ن لیگ کے خلاف لگایا کرتے تھے۔