شمالی وزیرستان میں ملٹری پوسٹ پر دہشت گردوں کا حملہ، پاک فوج کا سپاہی شہید
علاقے کا گھیراؤ کر کے دہشت گردوں کے خلاف سرچ آپریشن جاری,آئی ایس پی آر
PAKISTAN-UNREST-NORTHWEST-WAZIRISTAN
شمالی وزیرستان کے علاقے دتہ خیل میں ملٹری پوسٹ پر دہشت گردوں نے حملہ کردیا۔
پاک فوج کے شعبہ تعلقات عامہ (آئی ایس پی آر) کے مطابق شمالی وزیرستان کے علاقے دتہ خیل میں ملٹری پوسٹ پر دہشت گردوں نے حملہ کیا جس پر سکیورٹی فورسز نے بھر پور جوابی کارروائی کی۔
آئی ایس پی آر کا کہنا ہے کہ فائرنگ کے تبادلے میں سپاہی حامد علی شہید ہوگیا۔
آئی ایس پی آر کے مطابق علاقے کا گھیراؤ کر کے دہشت گردوں کے خلاف سرچ آپریشن جاری ہے۔